Gran part dal neust teritòrio 'l fa part dal Parch Natural dal Monfenera organisà al trenta marss dal milanovcentotantasèt dla Regiôn dal Piemônt par salvée i ròci bianchi dal Fenera e i caverni ch'i jin unichi 'n-t-la zona di-i Alpi ocidentali .

Al parch al riva fin-a a Grignassch, Cavalii, Bôca par la provincia 'd Novara e finôa a Borssesia e Valdugia par la provincia 'd Varsej . L'è 'n gran polmôn vert, l'è interessant 'mè parch e anca par i vigni ch'i aumento . An-t-al parch trovôma anca località ch'i ricordo la storia e anca l'architetura : al Santuario 'd Bóca, Môntalban, la tor da Cavalii, côl ch'a resta dal Castel 'd San Gianesiu a Grignassch e côl ëd Robial, Betoli . Ara, la Colma, Castagnôla e i Mareit jin frassiôn anco 'd vecc stamp e con 'na posissiôn straordinaria ch'i vardo la cònca 'd Valdugia e la Sesia 'mè si fussu pogiai su 'n pogieu . A Surgan esisto 'nco caseuti con al tecc quarcià con massin-i 'd biava : i meritario da fée part d'un Ecomuseo dla civiltà di contadin . Su la ciuma Bastà dal Monfenera iin piantà 'na gran Cross, 'n-t-i prum angn' dal milanovcent, ch'la dòmina tuta la Valaa .

L'ava l'è scavà tanti gròti 'n-t-al Monfenera importanti parchèe jin trovà material preistorich, ossi d'animal 'me l'orss di gròti, 'l rinocerônt 'd Merck e 'l liôn di caverni e anca òssi da scheletri uman .